10 / 10 / 2019
Irakasleentzako prestakuntza

Jorge Oteiza esperimentazio prozesuan

Jorge Oteiza XX. mendeko sortzailerik garrantzitsuenetakoa da. Egin duen obrak oso lengoaia desberdinak biltzen ditu, hala nola eskultura, poesia, zinema edo arkitektura. Horregatik, lan hori oso aukera ona da irakasleei hainbat lan-agertoki eskaintzeko, forma, gorputz, espazio, hitz edo soinuarekin lotutako kontzeptuak ikasgelan bertan esperimentatzearren.

Ikastaroa metodologia teoriko-praktiko batez garatzen da museo-espazioan bertan. Horrela, aukera ematen du irakaspenak Museoko bildumaren eta arkitekturaren aurrean praktikara eramateko, ondoren esperientzia horiek ikastetxean bertan zabaltzera begira.

HELBURUAK:

  • Jorge Oteizaren obraren bidez irakasleei laguntzea ikasleak arte garaikidearen munduko lehen pausoetan gidatzen, betiere pedagogia esperimental batetik abiatuta.
  • Museorako bisita posible bat prestatzeko beharrezko tresnak ematea.
  • Irakasleei eztabaidarako gaiak eta lantegi posibleak eskaintzea, ikasgelan ikasleen sentsibilitate artistiko eta emozionala garatzeko.
  • Irakasleei analisi eta komunikazio tresnak ematea, arte garaikidea aintzat hartzeko eta arte horretaz disfrutatzeko.
  • Ikasleen sormena garatzea, aurkikuntzatik, jolasetik eta esperimentaziotik.

HARTZAILEAK:Jorge Oteizaren obratik abiatuta ikasgelan arte-hezkuntzaren praktika lan tresnatzat erabiltzeko interesa duten Haur eta Lehen Hezkuntzako irakasleak eta hezkuntza ez formalekoak.

DATAK: 2019ko urriak 16 eta 17. 17:00etatik 20:00ak arte.

PREZIOA: Doakoa.

MATERIAL DIDAKTIKOA: Bai.

ANTOLATZAILEA: Fundación Museo Jorge Oteiza Fundazio Museoa.

ESKAERAK: Mezu elektroniko bidez didactica@museooteiza.org helbidean.

INFORMAZIOA: https://www.museooteiza.org/

 

Jorge Oteiza. Transbertsalitatea lengoaiatzat artean

Oteiza dugu, zalantzarik gabe, XX. mendeko sortzailerik garrantzitsuenetakoa.

Ikastaro honek Bigarren Hezkuntzako eta Batxilergoko irakasleei aukera ematen die euskal artistaren obra eta pentsamendua sakonago ezagutzeko, horretarako baliatuta elkarren desberdinak baina, aldi berean, transbertsalak diren lengoaiak, hala nola eskultura, poesia, arkitektura edo zinema.

Ikastaroko saioak lehen azalpen teoriko batetik abiatuko dira, horren osagarri Museoko aretoetan beretan obra bisitatuz, eta gogoeta eta esperimentazio espazio bateraino iritsiko dira, partaideen artean era kolektiboan garatuko diren jarduera praktikoen bidez. Ikastaroa amaitzean, eta proiektu-metodologiaren ildotik, ikasgela bakoitzean egiteko lan bat planteatuko da, eta Museoko didaktika departamentua bera izango da horretarako tutorea, ikasturtean zehar.

HELBURUAK:

  • Jorge Oteizaren obraren bidez irakasleei laguntzea ikasleak arte garaikidearen munduko lehen pausoetan gidatzen.
  • Museorako bisita posible bat prestatzeko beharrezko tresnak ematea.
  • Irakasleei eztabaidarako gaiak eta lantegi posibleak eskaintzea, ikasleen sentsibilitate artistiko eta emozionala garatzeko.
  • Irakasleei analisi eta komunikazio tresnak ematea, arte garaikidea aintzat hartzeko eta arte horretaz disfrutatzeko.

HARTZAILEAK: Geografia eta Historia, Artearen Historia, Marrazketa, Heziketa Plastikoa eta Ikusizkoa eta Matematikak ematen dituzten Bigarren Hezkuntzako eta Batxilergoko irakasleak.

DATAK: 2019ko urriak 24 eta 25. 17:00etatik 20:00ak arte.

PREZIOA: Doakoa.

MATERIAL DIDAKTIKOA: Bai.

ANTOLATZAILEA: Fundación Museo Jorge Oteiza Fundazio Museoa.

ESKAERAK: Mezu elektroniko bidez didactica@museooteiza.org helbidean.