Jorge Oteiza Fundazio Museoa zerbitzu publikorako erakunde kultural pribatua da. Nafarroako Gobernuak finantzatzen du eta Jorge Oteizak 1992. urtean Nafarroari emandako ondare aberatsa zaindu eta ezagutzera ematea du xedea.

Fundazioak Jorge Oteiza (Orio, 1908; Donostia, 2003) du izena, eta berari dagokio bere ondare osoa zaintzea, artatzea eta katalogatzea, hala nola ondare hori hedatzeko baliabideak eskuratzea eta Fundazioaren estatutuetan aurreikusten diren ikerketa proiektuak, sortzaileak berak 1996an izenpetutakoak, abian jartzea.

zoom

Oteiza Fundazioaren Patronatua

Patronatuko presidentea Jaione Apalategi da,  ohorezko presidente Rafael Moneo eta idazkaria Ignacio Apezteguia Jurio, Nafarroako Gobernuko Kultura Zuzendari Orokorra. Patronatuan dira, halaber, Nafarroako Kultura Departamentuko kontseilari Rebeca Esnaola, Marisa Saenz de Oiza arkitektoa, Nafarroako Unibertsitate Publikoko irakasle Jaione Apalategi, Juan Antonio Urbeltz folklorista, Jose Angel Irigaray idazlea, Xabier Morras artista, Nafarroako Gobernuaren aurrekontuetako zuzendari nagusi Begoña Urrutia, Jesus Mari Lazkano artista eta Miguel Zugaza Bilboko Arte Ederren Museoaren zuzendaria.

Oteiza Fundazioaren Estatutuak