Danok Oteiza

Jorge Oteiza Fundazio Museoak DANOK OTEIZA komunitatearen lehen urteurrena ospatu du. Erakunde eta partikular ugarik bat egin dute Jorge Oteiza euskal artistaren obraren eta pentsamenduaren inguruan sortutako komunitate honekin

Jorge Oteiza Fundazio Museoak 2026ko urriak 21 DANOK OTEIZA komunitatearen lehen urteurrena ospatu du, zeina Jorge Oteizaren figuraren, pentsamenduaren eta ondare artistiko eta kulturalaren inguruan sustatua baita. Urtebete honetan, erakunde eta partikular ugarik bat egin dute ekimenarekin kategoria desberdinetan.

Jorge Oteiza Fundazio Museoaren estatutuetan jasotzen denez, DANOK OTEIZAren helburua da «lankidetza sustatzea Jorge Oteizaren obra ezagutzeko eta zabaltzeko interesa duten pertsona eta erakunde guztien artean».

Oteiza Museoan oroitzapen-topaketa bat izan da, eta han elkartu dira Fundazioaren Patronatuko kideak, erakundeetako ordezkariak, Pilar Oteiza eta komunitatea osatzen duten adiskideak, bai eta ekitaldira bertaratzen diren pertsona guztiak ere. Ospakizuna bat dator Jorge Oteizaren jaiotzaren 118. urteurrenarekin, eta aukera ederra izanen da DANOK OTEIZAn garatutako ekimenak partekatzeko, baita komunitate horretako erakunde eta pertsonen arteko lankidetza ezagutarazteko eta eskertzeko ere.

Artistaren ondareari bizirik eusteko eta haren pentsamendu eta jardun artistikora hurbiltzeko modu berriak sortzeko bultzatutako ekintzen artean, hauek nabarmentzen dira:

Jorge Oteizaren memoria 2028an ospatzeko proiektua, Gipuzkoako Foru Aldundiak finantzatuta
Asisko Urmenetaren Hutsartearen hitza eleberri grafikoaren proiektua,
Sorkuntza artistikorako beka bat abian jartzea, LABORAL Kutxak finantzatuta.
Danok Oteiza 2027an Madrilen aurkeztea, Cardivak finantzatuta.
EiTBrekin lankidetzan aritzea. Horri esker, 2025ean Oskar Alegría zinemagileak 14 apostolu bideoa egin zuen, zeina museoan ikusten ahal baita. Lan horri jarraituz, Oskar Alegríak Oteiza 14 gau filma ere egin du. Hain zuzen ere, Donostia Zinemaldirako hautatu zuten eta Zabaltegi sailean estreinatu zuten joan den irailean.

Proposamen artistiko eta kulturalak izanen dituen topaketa

Urriaren 21an Oteiza Museoan egin den ospakizunerako aurreikusitako programan, erakundeen esku-hartzeak ez ezik Jorge Oteizaren sormen-unibertsoari lotutako ikus-entzunezko, literatura- eta arte eszenikoetako proposamenak ere izan dira.

Ongietorri- eta aurkezpen-hitzak, honako hauen eskutik:
- Iñaki Apezteguía, Oteiza Fundazioaren Patronatuko idazkaria eta Nafarroako Gobernuko Kulturako zuzendari nagusia.
- Marisa Sáenz, Oteiza Fundazioaren Patronatuko kidea eta Museoa diseinatu zuen Sáenz de Oiza arkitektoaren alaba.
Amaiera- eta esker-hitzak, Jaione Apalategi Oteiza Fundazioaren Patronatuko lehendakariaren eskutik.
Poesia-errezitaldia: Jorge Oteizaren olerkiak, Patxi Santamaría aktore eta antzerki-zuzendariak irakurrita.
Ikus-entzunezko baten proiekzioa: Asisko Urmeneta ilustratzaile eta sortzaileak Hutsartearen hitza eleberri grafikoaren proiektua azalduko du.
Emanaldi berezia Malandain Ballet Biarritzen eskutik, Museoak Biarritzeko Udalarekin duen lankidetzari esker.

Ekitaldia Guerrilla Sukaldea kolektiboaren Hutsuneak jan sukaldaritza-proposamenarekin amaitu da.

Jorge Oteiza Fundazioak Artingenium Art Office etxearen lankidetza eta laguntza ditu komunitate hau eta haren jarduera eta proiektuak abian jartzeko eta garatzeko.

Lourdes Fernández (Artingeniun), Aitor Salegi (Ekolo), Peio Abeberry (Miarritzeko Udala), Joël Cazaux (Miarritzeko kultura-zinegotzia), Asisko Urmeneta, Serge Blanco (Miarritzeko alkatea), Vanesa Fernández (EITB), Xavier Morrás (Oteiza Fundazioa), Maider Beloki (Iruñeko kultura-zinegotzia), Peio Bayona (Laboral Kutxa), Jesús Mari Lazkano (Oteiza Fundazioa), Susana Irigaray (Nafarroako Museoen Zerbitzua), Ignacio Apezteguia (Nafarroako Kultura zuzendaria eta Oteiza Fundazioko idazkaria), Jaione Apalategi (Oteiza Fundazioko lehendakaria), Pilar Oteiza, M.ª José Telleria (Gipuzkoako Kultura zuzendaria), Amanda de la Garza (MNCARSeko zuzendariordea) eta Marisa Sáenz Guerra (Oteiza Fundazioa).

Danok Oteiza Komunitatea

Oteiza Fundazioak sustatua da DANOK OTEIZA, eta hauek dira haren helburu nagusiak:

Jorge Oteizaren obra eta pentsamendua zabaltzea eta hedatzea, Fundazioak berak eta beste erakunde batzuekin lankidetzan bultzatutako ekintzen bidez.
Komunitate ireki eta askotariko bat eratzea sortzailearen ideien inguruan, partaidetzan oinarrituta.
Lankidetzarako egitura iraunkor bat sendotzea, helburu horiek lortzeko beharrezkoak diren ekintzak garatzen laguntzeko.

Komunitate horretan parte hartzeko, zenbait kategoria sortu dira. Haien izenak Oteizaren iruditeria estetikoan funtsezkoak diren kontzeptuetan oinarrituak dira. Hauexek dira:

CROMLECH: Proiektua sustatzen duten erakundeak
GAUR (bazkide estrategikoak). 100.000 € baino gehiago urtean
EMEN (mezenasak). 25.000 €-100.000 € urtean
ORAIN (laguntzaileak). 6.000 € – 25.000 € urtean
BAITA (erakunde adiskideak). 1.00 € – 6.000 € urtean
HITZA (komunikabideak)
ITZIAR (Oteizaren emaztea omentzeko, kide indibidualak izanen dira) 30 € urtean

DANOK OTEIZA: abantaila esklusiboak

Sarrera doan eta mugarik gabe museora.
Sarrera doan erakusketetara, hitzaldietara eta kultura-jardueretara.
Gure aldi baterako erakusketak aurrez bisitatzeko aukera.
Deskontua museoko argitalpenak erosteko.
Onura fiskalak: zerga-murrizketak lortzen ahal dituzu PFEZaren aitorpenean (autonomia-erkidego bakoitzean indarrean dagoen araudiaren arabera).

Ikusi KONTRAPRESTAZIOAK KATEGORIEN ARABERA Izen-emate ORRIA

Zergatik DANOK OTEIZA?

1960ko hamarkadan, DANOK izena proposatu zuen Oteizak abangoardiako artista nafarren mugimenduarentzat, Gipuzkoako Gaur, Bizkaiko Emen, Arabako Orain eta Iparraldeko Baita taldeen ereduari jarraituz.

Itziar, Itziar Carreño emaztearen omenez.

Cromlech izena Oteizak historiaurreko monumentu horiei buruz egindako interpretazioari dagokio, espazio espiritual eta seinalatze espazial gisa.

Hitza terminoak, bere funtzio komunikatibo hutsetik haratago, indar sortzaile gisa dihardu; esanahi kultural, espiritual eta artistiko sakona du, eta Oteizak bere idatzietan eta bere obra poetikoan praktikatu zuen.

DANOK OTEIZA komunitateko kide dira:

CROMLECH

Fundación Museo Jorge Oteiza Fundazio Museoa

Gobierno de Navarra- Nafarroako Gobernua

Pilar Oteiza

Danok

Kontraprestazioen taula

Danok Oteiza

Danok Oteiza Komunitatea

Zergatik DANOK OTEIZA?

DANOK OTEIZA komunitateko kide dira:

CROMLECH

EMEN

ORAIN

BAITA