Jorge Oteiza Fundazio Museoak Nafarroako Kultur Intsignia jaso du kulturaren behatokiaren eskutik
- Entitatea 2025ean Nafarroako kultura-erakunderik garrantzitsuena dela aitortu dute.
Jorge Oteiza Fundazio Museoa Nafarroako Kultura Intsigniarekin saritu du Kulturaren Behatokiak, 2025ean Nafarroako Foru Komunitateko kultura-erakunderik garrantzitsuentzat hartura izan ondotik, gaur Santanderren aditzera eman diren emaitzen arabera.
Aitortza honek Oteiza Fundazioa autonomia-erkidegoko ranking-ean gorenean kokatzen du. Aldi berean, Nafarroatik harata duen itzala sendotu du, izan ere, entitateak lortu baitu 56. postua estatu mailako kultura-erakunderik garrantzitsuenen artean.
- urtea, gainera, bereziki esanguratsua izan da Jorge Oteiza Museo Fundazioarentzat, Danok Oteiza programaren abiarazteagatik. Museoak gizartearekin duen lotura indartzea da ekimen estrategiko horren helburua. Danok Oteiza programak xedea du erakundea publiko berriei irekitzea, herritarren parte-hartzea sustatzea eta bitartekaritza kulturaleko prozesuak aktibatzea, lurraldeko hezkuntza-, gizarte- eta kultura-eragileekin aliantzak ezarriz. Programak harreman berriak proposatzen ditu Jorge Oteizaren ondarearekin, ikuspegi garaikide, inklusibo eta partekatu batetik abiatuta, museoa espazio bizia, topagune eta hausnarketa kolektiborako gune gisa ulertuz.
Kulturaren Behatokia Fundación Contemporánea erakundeak sustatutako ekimena da, eta 2009az geroztik kultura-sektorearen egoera eta pertzepzioa aztertzen ditu urtero. Bere txostenak kultura-arloko profesionalen panel zabal bati egindako kontsultan oinarritzen dira —besteak beste, erakundeetako arduradunak, sortzaileak, kultura-kudeatzaileak, komisarioak, programatzaileak eta aditu independenteak—, zeinek askatasunez baloratzen baitituzte urteko ekimen, proiektu eta erakunderik esanguratsuenak. Bozketa horietatik abiatuta osatzen dira autonomia-erkidegoko eta estatu mailako ranking-ak.
Kulturaren Behatokia 2025eko emaitzen aurkezpena gaur egin da Santanderko Biltzarren Jauregian, kulturako erakunde nagusietako ordezkariak bildu dituen ekitaldi batean, eta Espainiako kultura-ekosistemaren analisirako urteko erreferentzia bihurtu da.
