Museoen Nazioarteko Eguna: Ate irekien jardunaldiak, yoga eta bisita gidatuak. Maiatzak 18-21
Museoen Nazioarteko Eguna / MNE 2023. Oteiza Museoa
Programa
▬▬ Oteiza Museoko ateak zabaltzeko eta doan sartzeko egunak
maiatzak 18, 19, 20 eta 21
Ate irekien jardunaldi hauetan Oteiza Museoaren bilduma bisitatu ahal izango da. Museoak ibilbide sakon bat egitea proposatzen du, artistaren jardunbide eskultoriko osoan, artistaren tailer-etxean eta aldi baterako Estratuarteak erakusketan zehar. Erakusketa-proiektu horretan, eskulturak formalizatzeko modu berriak ezagutarazten dira, Nora Aurrekoetxea, Miren Doiz eta Marina González Guerreiro artisten esku-hartzeetatik abiatuta.
▬▬▬ Hutsaren inguruko hausnarketak. Yoga, meditazioa eta artea Altzuzako paisaian
maiatzak 21. 9:30etik 12:00etara
Oteiza Museoak Altzuzako herri txikian duen txoko paregabea elkargune ezin hobea izango da museoko terrazetan yogako eta talde-meditazioko saio bat egiteko. Saioaren ondoren, museoaren bilduma bisitatuko da, eta Oteizaren obraren barruan lantzen den hutsunearen eta espiritualtasunaren arteko harremanari buruzko gogoeta egingo da.
Yoga saioa Iruñeko Sadhana Yoga Shala Eskolako Roberto Arias irakasleak emango du eta, ondoren, bisitaldia egingo da Oteiza Museora, zentroko Hezkuntza Estetikoko arduradun Aitziber Urtasunek gidatuta.
Parte-hartzaileak: yogan eta meditazioan interesa duen edonor. Parte-hartzaile bakoitzak bere estera ekarri beharko du.
▬▬▬▬ Bisitaldi gidatua «Estratuarteak. Nora Aurrekoetxea, Miren Doiz, Marina González Guerreiro» erakusketara
Ordutegia: 12:30etik 13:30era
Estratuarteak erakusketa-proiektuak eskulturak formalizatzeko modu berriak ezagutarazten ditu, Nora Aurrekoetxea (Bilbo 1989), Miren Doiz (Iruñea, 1980) eta Marina González Guerreiro (A Guarda, 1992) artistek egindako esku-hartzeetatik abiatuta. Haien proposamenak jardunbide eskultorikorako hurbilketa garaikide bat dira, errealitatearen eta subjektibotasunaren aztarnaren hurbilekoak, eta sorkuntza garaikidearen gakoak xedatzen dituzten material eta eraikuntza-moduen aniztasuna baliatzen dute.
Bisitaldi honetan, esku-hartze guztietan zeharreko ibilbide bat egingo da, eta sorkuntza garaikidearen gakoetako batzuk aztertuko dira, Jorge Oteizaren eskultura-proiektuarekin lotuta.
Jarduera guztiak doakoak dira. Plaza mugatuak. Beharrezkoa da aurrez izena ematea 948332074 telefonoan edo didactica@museooteiza.org helbide elektronikoan.
